محتاجة .......
سحر ابوالعلا
محتاجة حضن ابكي فيه من غير دموع
محتاجة قلب يحس اد ايه قلبي الموجوع
محتاجة حد اكون ليل و يكون نهار
محتاجة حد يكون مخبأ كل الأسرار
محتاجة حد يحس بيا لو بعيد
لو احتاجله من غير ندا القاه اكيد
محتاجة حد فى وسط حزني يكون لي عيد
محتاجة نبض يسري فى الوريد
محتاجة ورد خالي شوك
محتاجة قلب كله شوق
لو اغيب فى يوم
القي سماه تقلب غيوم
تمطر حنين يملي السنين
محتاجة حد اكون معاه
طفلة يا دوب بقلب السنتين
لساه بيحلم باللي جي
شايف بكرة بعينه ضي
محتاجة عمر خالي من الدموع
محتاجة اصرخ باعلي صوت محتاجة ابوح
محتاجة اعيش يومين من غير انين
من غير حنين من غير شوق لناس بايعين
محتاجة اطلع برة منى اروح بعيد
و اترك هنا حزني و اترك كمان قلبي الوحيد
و هناك ينولد جوة مني قلب جديد
قلب قادر رغم حزني يكون سعيد
قلب غير قلبي اللي اخد ع الجراح
قلب شايف لسة كل الكون براح
قلب قادر يحلم و يدوس ع اللي راح
قلب جوة المهد بيفتح عنيه
يلمح من بعيد ضي الفجر الجديد.
#السلطانة
تعليقات
إرسال تعليق